வெளிநாட்டு நீதிபதிகளுக்கு அனுமதியில்லை இலங்கை ஜனாதிபதி அறிவிப்பு

போர்க்குற்றம் தொடர்பில் விசாரணை நடத்த வெளிநாட்டு நீதிபதிகளுக்கு அனுமதி வழங்க மாட்டேன் என இலங்கை ஜனாதிபதி மைத்திரிபால சிறிசேன தெரிவித்துள்ளார்.

ஐக்கிய நாடுகள் சபைக்கும் சக்திவாய்ந்த மேற்குலக நாடுகளின் தலைவர்களுக்கும் போர்க்குற்றங்கள் மற்றும் மனித உரிமை மீறல்கள் தொடர்பான குற்றச்சாட்டுகள் குறித்து விசாரணை செய்ய வெளிநாட்டு நீதிபதிகளை அனுமதிக்க முடியாது என்று அறிவித்து விட்டதாக ஸ்ரீலங்கா ஜனாதிபதி மைத்திரிபால சிறிசேன தெரிவித்துள்ளார்.

ஸ்ரீலங்காவில் உள்ள நீதிபதிகள், கல்வி, மதிநுட்பம், ஆற்றல், அனுபவம் ஆகியவற்றில் உலகின் வேறெந்த நீதிபதிகளையும் விட இரண்டாம் தரமானவர்கள் அல்ல. அவர்கள் எந்த உள்நாட்டு மற்றும் அனைத்துலக விவகாரங்களையும் கையாளக் கூடிய ஆற்றல் கொண்டவர்கள்.